Tyihäntoimittaja

Ja täälä höpötethään mitä miehleen tullee ja sitähän tullee.
Väylänvarren kasvatti, jokon nähny vähän maalimaaki.
TAMMI
24

Napapiirin sankarit

Napapiirin sankarit
Olipa kerran tuulinen ja tuiskunen aamupäivä, semmonen niinkö nyt meilä Lapissa välissä ruukaa ollakki. No sanothaan, että lunta tuiskutti vähän enemmän ko tarpheeksi. Kaksi reipasta poikaa päättää lähteä ookaahmaan Lapin pääkaupunkhiin ja aikovat oikoa jäätietä väylän yli ja oikasta vielä semmosta pikkutietäki pitkin, ettei tarvi kovin isoilta kirkoilta löytyvän sillan kautta kurvata. No ei muuta ko piili käyhmään ja Rovaniemeä kohti. Mahoton vinkka kävi ja luntaki tosihaan tuli, mutta ei se keli nyt aivan kauhealta vaikuta. Siittä hurhautethaanki kohta väyläle eli jäätiele, jossa lumi lentääki vaakatasossa pohjosen suunnasta, mutta jäätie on leveästi aurattu, niin mikäs sitä on mennä vaikka vähän ajattaaki....
Continue reading
3
  2722 Hits
Tags:
2722 Hits
TAMMI
06

Suvut sekasin

Ennen joulua se tapahtu, kauan ootetut Amerikan "ehkä" sukulaiset otit yhteyttä. Yhteyvenotto tuli yhestä sukututkimussivusta johon mieki olen yrittäny hahmottaa ommaa sukua heikola menestykselä, eli nytten kyse ei ollukhaan sähköposti-ilmotuksesta miljoonaperinnöstä joltaki asiainhoitajalta joka tupsahtaa juuri varsin tilile kohan on pistäny asianhoitomaksuja menheen ennenkö miljoonaperintö pystythään maksahmaan. Nytten jäljet johtivat niinki kauas ko 1850-luvule, jollonka minun sukunimen ommaavia olit lähtehneet vallottahmaan Amerikan Minnesottaa Ylitorniolta asti ja kysyjä oli heän perilisiä, että josko met olisimma sammaa sukua ja onko mulla tietoa historiasta saati näistä muuttahneista henkilöistä. Ensin sinne oli menny perhheen poika vaimonsa kansen ja sitte perässä oli muuttanu isä ja äitiki....
Continue reading
2
  3808 Hits
3808 Hits
JOULU
05

Ennen se Sandraki oli parempi

Ennen se Sandraki oli parempi
Mikäs se tuomonen otsikko oikein meinaa. No se meinaa tietenki sitä että ennenhän soli paremmin kaikki, niinhän soli. Eli tässä sie saat lukea minun 80-luvusta.  Tämä kirjotus sai kipinän ko mie katoin YouTubesta Sandran musiikkipätkän, eli siis sen Sandran joka luikhautti 80-luvun puolessa välissä "Maria Magdalena" hitinki. 80-luvulla Sandra eusti vahvaa europoppia sen ajan aidolla saudila, niinkö vois sanoa. Net hienot miesäänen taustat, nostot ja toistot. Kattomani videon jälkhiin tulheen levyn myötä se meni sitten Sandraki pilale, olihan silloin jo 90-luku alkanu, se alko kuullostaan Enigmalta, jossa sitte viskutteli tosiaan kansen. Puhumattakhaan nykytuotannosta, onkhaan siittäki vain tullu vanha ja liian kesy. Tämän videon...
Continue reading
1
  2403 Hits
2403 Hits
MARRAS
25

Verot on maksettava eikös juu

Verot on maksettava eikös juu
Facebookin Vistoissa nakuissa mie kirjotinkin osan jo tästä tarinasta ko sielä Johannes porisi veronpallautuksista tai pikemminki mätkyistä. Totesin että son hyä ko on selkeä lappu mistä tullee ilmi mitä häätyy maksaa, koska ja mihin. Eli laitanpa tännekki tarinan ko meinasin jo sielä innostua ja olis piian uponnu nopeasti unhohlaan ko tämön aika makea praati tästä rajalaisena olemisesta ja varsinki yrittäjänä. Emmie kau kumminkaan tätä minun tilannetta, ko tätä mie halvaan tehä ja kaippa sitä voipi vaikka muuttaa Suohmeen takasin jos tämä riipos liikaa, eikhään se joku minun talonki ostais poijes.Mulla sei ole aina niin helppoa nuitten veroitten kansen ko molen kahen puolin rajjaa verottajien...
Continue reading
2
  3469 Hits
3469 Hits
MARRAS
24

Kaikenmaailman siton järjestelmiä!

Kaikenmaailman siton järjestelmiä!
Mie kävin kirjastossa tässä muutampi päivä sitte ja lainasin sieltä kirjan että mie niinkö oppisin käyttähmään paremmin Photoshoppia. Mie olen sitä plaavannu tietenki vähäsen, mutta keskenhän son jääny ja sitte kirjasto alko hättyyttähmään sähköpostila että solis aika niinkö pallauttaa, soli "muutampi" päivä hurahtanu tuosta vain. Senhän mie visuna tietenki tiän, että sakkohan se alkaa juokseen jos ei sitä laukota takasi eräpäivänä. Mutta ko molen tämmönen nörtti, niin johan mulla on kortin lisäksi tietenki tunnukset kirjaston tietojärjestelhmään jolla mie saatan uusia lainat ja tehhä varraukset jos halvaa ja niinpä mie toiveikhaana meni sinne sivule, eli osotheeksi: https://lappi.verkkokirjasto.fi/.No sitte mie muistan että molen...
Continue reading
3
  4752 Hits
4752 Hits
MARRAS
20

Autokauphiaan urala, muttei hulluna päissä

Autokauphiaan urala, muttei hulluna päissä
Tässä pari päivää sitte Facebookissa yks kaveri kerto että oli saanu suklaatia lahjaksi joltaki asiakhaalta jota ei ollu ees palvellu, niin mulla tuli miehleen omat kokemukset yhestä työmaasta. Molen kans ollu monenlaisela työmaala ja ko mie tykkään ja olen koasti kiinnostunu autoista niin miepä kokkeilin vähän aikaa automyyjänki hommaa. Uusia fiiniä autoja möin Herttoniemessä aivan sielä pääkaupungissa, tai no ainaki koasti yritin myyvä. Neljä kuukautta mie sielä pyörin pukutakki päälä uuven auton haijussa, kaatamassa takaistuimia etheen ja taka. Kovakaulus hinkkas kaulaa verile, mutta sain mie muutaman autonki senthään myytyä, mutta oli se kovvaa hommaa ko koa oli sielä kilpailu, varsinki ko...
Continue reading
6
  5852 Hits
Tags:
5852 Hits