Tyihäntoimittaja

Ja täälä höpötethään mitä miehleen tullee ja sitähän tullee.
Väylänvarren kasvatti, jokon nähny vähän maalimaaki.
HEINä
05

Talkoo- ja vappaaehtoshommia

Talkoo- ja vappaaehtoshommia
Mistä on tapahtumat tehty? No talkootyöstä ja vähäsestä rahasta. Harvassa tahtoo olla meän perälä tapahtumat mikkä elis lipputuloila niin että esiintyjät saisit reilua korvasusta saati järjestäjätki vielä jotaki korvausta. Eipä se on se mukava tehä yhessäki ja pistää pieniki panos johonki josta on iloa niin ittele ko muilekki. Ennen aihaan sitä oli talkoita enemmänki ja ihmiset lähtiväkki aphuun helpommin, mutta nykyhään moni ei kehtaa lähteä mihinkhään mistä ei rahhaa saa. Työttömien häätyy vissiin pian varoa mihin mennee talkoissiiin, ettei sitä katota peräti työksi ja katkasta korvausten maksu... no tuo taitaa olla vähän harvinaisempaa senthään. Verottajaki on välhiin ollu kiinostunu talkoista, että josko mahollisesta talkoosapuskastaki häätys...
Continue reading
0
  1998 Hits
1998 Hits
TOUKO
15

Merta eemäs kuvvaahmaan

Merta eemäs kuvvaahmaan



Molen poka hommannu uuven kameran ko kaikki sukulaisekki ovva ostahneet hienot kamerat ja ko mulla oli jo seittemän vuotias pokkarikamera. En sunkhaan mie mithään kilpavarustelua ko johan soli aikaki hommata vähän parempi kamera, koi koskaan tiä vaikka tulis ammattilainen ko vain on kunnon kamera millä ottaa ammattilisen kuvia. Nytten mie hommasin semmonen bridge-kameran, joka ei ole semmonen täysiverinen järjestelmäkamera, mutta siinä on vähän niinkö taskukameran ja järkkärin hyviä ja huonoja puolia sopevasti Mie ko hain sen postista, niin hääty Korvassa pysähtyä ja kuata jouttenia ja paria poroaki ko siihen somasti sattuivat. Hääty kyllä ottaa älykhäälä toiminola ko ei tajunu mithään niistä käsisäätöhommista. Lauvantaina päätin sitte että...
Continue reading
3
  5070 Hits
5070 Hits
JOULU
03

Jos autot olis tietokonheita

Jos autot olis tietokonheita
Autot, joilekki kovin tarpheellisia värkkiä, niilä ajethaan töihin, työajoa, ajethaan hoitahmaan asioita ja jokku ajjaa välhiin sekuvainki. Oos sulla semmonen auto, jonka ko starttaa, niin se saattaa ottaa useamman minuutin ennenkö se reagoi mihinkhään muuhun asihaan? Mittarissa vain viisari pyörii ympyrää eikä vaikuta vatkata vaihekeppiä tai mithään kaasua painaa, auto ei reagoi tai saattaa tehä toimet vasta mahottomalla viihveelä, mittari vain pyörii ja pyörii ja moottori ilosesti hyrisee. Mitä pitemphään sie olet auton omistanu niin tämä aika vain tuntuu jatkuvan aina vain pitemphään, eikä se vain tunnu siltä. No älä huoli, lopulta ko mittari on lopettanu ittekseen pyörimisen, niin mittaritaulun alareuhnaan syttyilee pieniä merkkivaloja...
Continue reading
1
  2092 Hits
2092 Hits
HUHTI
22

Matkakertomus avartaa osa 2

Matkakertomus avartaa osa 2
b2ap3_thumbnail_20150420_001.jpg
Nyt olhaan taas kotona ja loma on lusittu, jalat huutaa vieläki armoa ko tuli reisunpäälä käveltyä niin paljon. Hyä oli matka, paljon on nähty niin historiaa, kulttuuria, taijetta ko elämääki. Jos sie halvaat lukea eka osan tarinasta ensin niin klikkaa tästä. Palluumatka alko sillä että piti herätä jo yölä kahen jälkhiin, syöthiin nopeasti ja sitte laukkujen kanssa ryysätä kapheita rappuja pitkin alas etukätheen tilatulle taksile. Sielä se kehittyvien maitten vanhemman sortin Fiiatti-taksi jo oottiki, kuski heitti laukut perhään ja met takapenkile köytimä ittemä vöihin. Aina mie tietenki laitan vyöt pääle olipa kyyti mikä tahansa, mutta ko mie olen nähny Istanbulin liikennettä...
Continue reading
3
  2542 Hits
2542 Hits
HUHTI
17

Matkakertomus avartaa

Matkakertomus avartaa
b2ap3_thumbnail_P1100882.JPG
b2ap3_thumbnail_P1090652.JPG
b2ap3_thumbnail_P1090872.JPG
Maustebasaarissa on väkeä
b2ap3_thumbnail_P1100533.JPG
Kotamikko lähti käyhmään vähän maailmalla ko innostu netistä kattohmaan lentojen ja kestikievareitten hintoja. Mie lähin sitte toista kertaa yhteen kovin issoon suurkaupunkhiin, joka on aivan Euroopan ja Aasian rajala ja mie kirjotan tätä nytten sieltä, eli Istanbulista tietenki. Molen käyny täälä melko tarkhaan kerran 10 vuotta sitte ja molenki sanonu että täälä häätyy jokhaisen käyvä ennenkö heittää lusikan nurkhaan ja oikasee ketarat, minun hääty nyt käyä ainaki kahesti ja riittäs täälä nähtävää vielä uuvelekki kerrale. Tänne kannattaa varata kaksi viikko alkhuunsa jos aikoo jotaki ehtiä näkehmään. Nyt olen vain 12 päivää ko mukamas aattelin että se riittää. Mutta menhäänpä asiaan ja alotethaan...
Continue reading
1
  2052 Hits
2052 Hits
MAALIS
02

Etiäiset - onkhaan niitä?

Etiäiset - onkhaan niitä?
On tietenki etiäisiä, jos kansanuskhoon on uskominen ja miksipä emmä uskois? Wikipetia kertoo, että son niinkö henki joka tekkee eeltä sen mitä sitte se oikea ihminen tekkee kohta perässä, eli etiäinen saattaa tulla pirthiin niin että kopse käypi ennenkö vähän perästä tullee sitte se varsinainen roppa. Kait son vähän sama ko ennakkoaavistukset tai enneunetki, eli näkkee tai tuntee jotaki ja sitte se tapahtuu. Mulle etiäiset on sanana tuttu kläppinä näkemistäni kläpittenohjelmasta, jonka nimeä vain en ennää muista. Mie muistelen että se oli semmonen Laphiin sijottuva tarina tai saatto niitä olla useampiaki, jossa jännälä tytön äänelä kerrothiin vielä jännempiä juttuja, sitte siinä tais...
Continue reading
2
  4531 Hits
4531 Hits