Mikäs homma tämä on?

Väylänvarsi tarjoaa plokialustan kaikile halukhaile kirjottajille, jokka kirjottaa meänperän murtheela tai sopevasti hoon päältä. Liittyminen ja kirjottaminen oh helppoa eikä tietenkhään maksa mithään, mutta ei siittä kyllä maksetakhaan mithään. Eli olis soma ko sais lukea eri ihmisten praatia omala murtheela asiasta ko asiasta ja mitä useampi kirjottaja, niin tarinoita tulis useasti.

Väylänvarren plokkaajaksi pääsee tosi matalalla kynnyksellä, sinun ei tartte olla mikhään ammattilainen tai miettiä että halvaako kukhaan lukea sinun juttuja. Kaikile on varmasti lukijansa ja kirjottaessahan sitä kaikin kehittyy. Ko plokia on netit täynä, niin tämä meän plokihomma on kuitenki vähän erikoistunu siten, että pääjuttuna on juuriki meänkieli eli Peräpohjolan murre tai no miksei muukki lapin murrealuheet. Tämän sivun ylläpitäjä on halvannu tarjota yhen paikan mistä saapi lukea monen kirjottajan praatit fiineimmällä murtheela.

Kuinkas sie saatat alottaa?

Klikkaat vain ylhäältä Kirjaudu linkkiä ja kirjauvut sisäle jollaki sinun sosiaalisen metian tunnuksella tai tehet aivan oman tunnuksen vain Väylänvarren siule. Sitte ko solet sisälä niin sie saat lisäohjeita kuinka homma alkaa, ei muutako tervetuloa fölhjyyn!